“Mazaak”

khamosh in fizao me na jane kaisa dard samaya hai,
bekarar meri nazro ne kal sapne me phir tumhe talasha hai..
rona tumhare liye ab aur mai chahta nahi,
par tumhari yaado ne mujhe kal bhi rulaya hai..
ek pal me yun laga jaise, zindagi kaha se kaha pahunch gayi..
tum mere jeevan se jo gaye to laga jeene ki ummid hi chali gayi..
jane kaun si kashish chupi hai tumhare chehre me..
ki meri nindo ne bhi aajkal mujhse rishta tod diya hai..
tumhara diya har zakhm jab bhi kabhi yaad aata hai..
ankho se aansu chalak jate hai, aur dil tadap uthta hai..
dil se riste lahoo ki har boond tumhe pukarti hai,
zakmo se uthti har tees yaad tumhe karti hai..
tum agar aate bhi ho kabhi mere sapno me
-dabe paon, meri nind phir bhi tut jati hai..
aj bhi jab sapno me kabhi aati ho tum, ankho se-
aansu lagte bahne, dil phir se ho jata hai bikal..
beete samay k khandaharo par lagi hai tumhari tasveer,
par unhe jhankne se rokta hai mujhe mera jameer..
thi kabhi tum meri hi, jyon lata lipti ped ki..
chuti jab mujhse ja mili apni duniya me, jyon kamal talaab ki..
ek apni maanzil hai jo kahi dur-dur tak ab nazar hi nahi aati..
aur ek tumhari shakl hai jo lakh bhulaye bhi dil se nahi mitti..
hasrate meri dil ki sari adhuri hi rah gayi,
socha tha jo tumhe kahunga,wo baat dil me hi dab gayi..
aur ab to dekho ban chuka hai wo apni judai ka mahal,
jiska har farsh mere dil ki nichudti lahoo se ranga hai..
har deevaro par mere aansuo k cheente hai..
har chat tumhari bewafai se tane hai..
aur us kone me udta hua sa wo aanchal bhi shayad tumhara hai,
jo aaj bhi har pal-har ghadi mera mazaak uda raha hai..!!!!!!!!!

This entry was posted on Tuesday, April 15th, 2008 at 9:44 pm and is filed under Poems, Relationships. You can follow any responses to this entry through the RSS 2.0 feed. You can skip to the end and leave a response. Pinging is currently not allowed.